SAEROМэс заслын өмнө юуг анхаарах хэрэгтэй вэ?

Мэс заслын өмнө юуг анхаарах хэрэгтэй вэ?

Мэс заслын өмнөх бэлтгэл нь хагалгааг аюулгүй явуулах, мэдээ алдуулалттай холбоотой эрсдэлийг бууруулах, мэс заслын дараах хурдан эдгэрэлтэд чухал ач холбогдолтой. Тиймээс мэс засалд орохын өмнө дараах зүйлсийг анхаарна уу.

1. Мэс заслын өмнө хоол сойх

Мэс заслаас 6 цагийн өмнөөс ямар нэгэн зүйл идэж, ууж болохгүй. Үүнд ус, бохь, чихэр болон бүх төрлийн хоол, ундаа багтана.

2. Тамхи татах алкохол хэрэглэхээс зайлсхийх

Мэс заслын өмнөх 2 долоо хоногийн хугацаанд тамхи болон алкохолын хэрэглээг аль болох бүрэн зогсоох хэрэгтэй. Энэ нь мэс заслын дараах эдгэрэлтэд сөргөөр нөлөөлөх хүчин зүйлсийг багасгахад тусална.

3. Хэрэглэж буй эм, нэмэлт бүтээгдэхүүнээ эмчид заавал мэдэгдэх

Аспирин агуулсан эм, гормоны эм, нэмэлт тэжээл, амин дэм, улаан хүн орхоодой, жирэмслэлтээс хамгаалах эм зэрэг бүтээгдэхүүнийг мэс заслын өмнө хэрэглэх эсэхийг заавал эмчтэй зөвлөнө үү. Ялангуяа аспирин нь цусны бүлэгнэлтэд нөлөөлж, мэс заслын үеийн болон дараах цус алдалтын эрсдэлийг нэмэгдүүлж болзошгүй. Хэрэв та ямар нэгэн эмийг тогтмол хэрэглэдэг бол эмчдээ урьдчилан заавал мэдэгдэнэ үү. Даралт болон чихрийн шижингийн эмийг мэс заслын өдөр хэрэглэх шаардлагатай эсэхийг мөн эмчээс давхар тодруулна уу.

4. Сарын тэмдэг ирсэн бол эмнэлэгт мэдэгдэх

Эмэгтэй үйлчлүүлэгчид мэс заслын өдөр сарын тэмдэг ирсэн бол эмнэлгийн ажилтанд урьдчилан мэдэгдэнэ үү. Зарим тохиолдолд хавдар, цус алдалтад нөлөөлөх боломжтой тул эмчид мэдээлэх нь зүйтэй.

5. Хумсны будаг болон хиймэл хумсыг арилгах

Гар, хөлийн хумсны будаг, наалт болон хиймэл хумсыг бүрэн арилгаж ирнэ үү.

6. Үнэт эдлэл, контакт линз зүүхгүй байх

Зүүлт, бөгж, ээмэг зэрэг үнэт эдлэл, мөн контакт линз болон бусад шаардлагагүй эд зүйлсээ гэртээ үлдээхийг зөвлөж байна. Энэ нь эд зүйлсийг гэмтээх, алдах эрсдэлээс сэргийлнэ.

7. Мэс заслын өмнө шүршүүрт орох

Мэс заслын дараа тодорхой хугацаанд шүршүүрт орох, үсээ угаах хязгаарлалттай байж болох тул мэс заслын өмнө шүршүүрт орж бэлтгэх.

8. Тав тухтай хувцас өмсөж ирэх

Мэс заслын дараа өмсөж, тайлахад хялбар сул, тав тухтай хувцас сонгон өмсөж ирэхийг зөвлөе.

Мөн шаардлагатай бол нарны шил, малгай, ороолт зэрэг мэс заслын дараа хэрэглэх зүйлсээ урьдчилан бэлтгээрэй.

9. Асран хамгаалагчтай ирэх

Мэдээ алдуулалт хийлгэсэн тохиолдолд мэс заслын дараа машин жолоодхоос зайлсхийхийг санал болгодог. Иймээс боломжтой бол асран хамгаалагчтай хамт ирэх эсвэл нийтийн тээврээр үйлчлүүлэхийг зөвлөж байна.

📌Мөн мэс заслын товлосон цагаас 30 минутын өмнө эмнэлэгт ирж, шаардлагатай бүртгэл болон мэс заслын өмнөх бэлтгэлээ хийх боломжтой байхаар цагаа төлөвлөхийг зөвлөе~^^

Мэс заслын өмнөх бэлтгэлээ зөв хийх нь аюулгүй мэс засал болон тайван эдгэрэлтийн явцын гол хэсэг юм.

💓СЭРО ГОО САЙХНЫ МЭС ЗАСЛЫН ЭМНЭЛЭГ💓